കൊച്ചി: അന്താരാഷ്ട്ര വിമാനത്താവളത്തിൽ 2 കിലോ സ്വർണവുമായി രണ്ട് യാത്രക്കാർ കസ്റ്റംസിന്റെ പിടിയിലായി. ഗൾഫിൽ നിന്നെത്തിയവരാണ് പിടിയിലായത്. സ്വർണം പേസ്റ്റ് രൂപത്തിലാക്കി ഒളിപ്പിച്ചിരിക്കുകയായിരുന്നു.
പിടികൂടിയത് ഇങ്ങനെ
- രഹസ്യവിവരത്തെ തുടർന്ന് പ്രത്യേക നിരീക്ഷണം
- എക്സ്റേ പരിശോധനയിൽ സംശയം
- വിശദ പരിശോധനയിൽ സ്വർണം കണ്ടെത്തി
കരിയർമാർക്ക് പണം നൽകുന്ന സംഘത്തെക്കുറിച്ച് കസ്റ്റംസ് അന്വേഷണം വ്യാപിപ്പിച്ചു. കഴിഞ്ഞ മാസം മാത്രം 15 കിലോ സ്വർണമാണ് വിമാനത്താവളത്തിൽ പിടികൂടിയത്.
“കടത്ത് സംഘങ്ങൾ പുതിയ രീതികൾ പരീക്ഷിക്കുന്നു, ഞങ്ങളും ജാഗ്രതയിലാണ്.” — കസ്റ്റംസ് ഉദ്യോഗസ്ഥൻ
